Thursday, January 6, 2011

Bata, Bata, Bakit Ganyan Kang Magsalita?!

Ang title ng post na ito ay medyo na-spoof na title ng Bata, Bata, Paano Ka Ginawa? ng aking paboritong manunulat na si Ms. Lualhati Bautista. Pero medyo malayo naman ito sa kwento ng librong iyon, dahil ang kwento nito ay tungkol sa aking pamangkin. Si Christine ( di tunay na pangalan) ay isa sa mga bibo kong pamangkin. Madalas ay pinapaiyak ko siya dahil makulit at malikot. Pero hindi naman tungkol sa kalikutan nya ang aking ikukuwento kundi ang kadaldalan nya. Siyempre, alam naman natin na may pagkabulol pa ang mga bata, pero si Christine, natutuwa ako sa pagkabulol niya. Ito ang mga transalations ng mga salita niyang ginagamit:

Atso = ako
Itsaw = ikaw
Ang lulit-lulit mo = ang kulit-kulit mo
Tsitsut-Tsishut = Tito Itok
Manet mo = panget mo
Utol-utol =putol-putol

Marami pa yan kaso minsan di ko na matandaan unless marinig ko ulit sa kanya. Minsan nga nahihirapan kaming intindihin ang mga salita niya kasi halos parepareho ng bigkas. Last week, nagulat na lang kami dahil naimprove ang kanyang pagsasalita. Kung dati na binigkas nya ang “k” ng “ts” ngayon tuwid na talagang “k” ang salita niya. Siguro dahil madalas naming tinatama ang pagsasalita niya at lagi namin siyang kinakausap kaya sadyang natutunan niya ang tamang bigkas nun. Hindi talaga maganda sa mga bata kung nagsasalita tayo ng bulol dahil gagayahin nila ang kanilang naririnig. Sa mga magulang, huwag natin silang i-tolerate sa maling pronunciation kundi itama natin ito para mas madevelop ang kanilang pagsasalita.



Enhanced by Zemanta

Enter your email address:

Delivered by FeedBurner